Advertisement
 
 
 
 
 
 
 
 

Amakuru | Mu Mahanga

12 barahatanira gusimbura Ban Ki-Moon ku buyobozi bwa Loni   

  Yanditswe na HERVE UGIRUMUKUNDA
 July 2016

 
 

Abantu 12 bariyamamariza gusimbura Ban Ki-Moon ku bunyamabanga bukuru bw’Umuryango w’Abibumbye (Loni), kuri uyu wa Kabiri, 10 muri bo barahurira mu kiganiro mpaka kiracishwa kuri televiziyo, ku Isi hose.

Umunyakoreya, Ban Ki-Moon, yagiye ku buyobozi bwa Loni mu 2006 asimbuye Koffi Anan. Arangije manda ebyiri.

Icyo kiganiro mpaka kiraba ku mugoroba wo uri uyu wa Kabiri, kiraca kuri televiziyo ya Loni (UNTV) na Aljazeera.

Perezida w’inama rusange ya Loni, Mogens Lykketoft yabwiye itangazamakuru ko icyo gikorwa cyakozwe kugira ngo Isi ibone ko Umunyamabanga Mukuru wa Loni uzatorwa azaba abikwiye.

Ati” Ni igikorwa twakoze kugira ngo kigaragaze ko aya matora azaba mu mucyo. Kizacishwa kuri televiziyo ku Isi yose no ku mbuga nkoranyambaga.”

JPEG - 252.5 kb
Uzasimbura Ban-Ki Moon azashyirwaho n’Inama Rusange ya Loni, amatora nyamukuru azaba ku ya 21 Nyakanga 2016

Abakandida barahangana mu kiganiro mpaka baraba bari mu matsinda abiri. Irya imbere rigizwe na Vesna Pusic wo muri Croatia, Antonio Guterres wo muri Portugal, Susana Malcorra wa Argentina, Vuk Jeremic wa Serbia na Natalia Gherman wo muri Moldova.

Naho itsinda rya kabiri rigizwe na Helen Clark wo muri New Zealand, Danilo Turk wo muri Slovenia, Christiana Figueres wa Costa Rica, Igor Luksic wo muri Montenegro na Irina Bokova watanzwe na Bulgaria.
Abandi bakandida babiri, Srgjan Kerim watanzwe na Macedonia na Miroslav Lajcak wo muri Slovakia, ntibashoboye kwitabira icyo kiganiro.

Ni ubwa mbere inama rusange ya Loni izaba igize uruhare mu gutoranya Umunyamabanga Mukuru wa Loni, ubusanzwe yatangwaga n’ibihugu bitanu bifite umwanya uhoraho mu Kanama k’Umutekano.

Amategeko agenga Loni, agena ko “Umunyamabanga Mukuru yemezwa n’Inama Rusange ariko yabanje gutangwa n’Akanama k’Umutekano.”

Mu bihe byashize, Akanama k’Umutekano kahitagamo uwo gashaka rwihishwa akaba ari we gategeka Inama Rusange kwemeza.

Ariko kuri ubu Inama Rusange ya Loni iri gukoresha ikizamini imbonankubone mu ruhame, magingo aya abakandida 9 muri 12 bamaze kubazwa, uwa cumi azabazwa ku wa Kane.

 

Comments

 
 
Koreya ya Ruguru yasabye ibihugu bya Aziya kuyifasha kurwanya USA
Koreya ya Ruguru yasabye ibihugu bya Aziya kuyifasha kurwanya USA

Koreya ya Ruguru yaburiye ibihugu bya Aziya yo mu majyepfo y’Uburasirazuba ko bishobora kuzasigwa iheruheru n’intambara y’ibisasu bya kirimbuzi mu gihe bidafatanyije kurwanya Leta Zunze Ubumwe za (...)

Abapolisi b’u Rwanda bari muri Haiti bambitswe imidari y’ishimwe
Abapolisi b’u Rwanda bari muri Haiti bambitswe imidari y’ishimwe

Abapolisi b’u Rwanda bari mu butumwa bw’amahoro bw’Umuryango w’Abibumbye mu gihugu cya Haiti (MINUSTAH) bazwi nka Individual Police Officers (IPOs), ku itariki 21 Mata uyu mwaka bambitswe imidari yo (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.