Advertisement
 
 
 
 
 
 
 
 

Amakuru

Rutsiro:Abarimu bambuwe ubushobozi bwo gutegura ibizamini buhabwa rwiyemezamirimo   

  Yanditswe na BASANDA NS OSWALD
 August 2015

 
 

Bamwe mu barimu bigisha mu bigo bitandukanye byo mu karere ka Rutsiro, banenze bikomeye uburyo bushya bw’imitangire y’ibizamini mu mashuri, aho rwiyemezamirimo watsindiye isoko ategura ikizamini kigakorwa mu mashuri yo mu karere yose.

Aba barimu bo mu mashuri abanza n’ayisumbuye bavuga ko ibizamini rwiyemezamirimo atanga biba bidahuye n’ibyo abana bigishijwe mu ishuri, kandi ngo biba birimo amakosa adakwiye kwihanganirwa.

Umwe mu barimu waganiriye n’Imvaho Nshya yavuze ko we na bagenzi basanga ibizamini byakagombye gutegurwa n’itsinda ry’abarimu bazi ibyo bigisha, aho kubiha rwiyemezamirimo wishakira ifaranga gusa atazi n’ibyo abana biga.

Yagize ati “Abayobozi babishinzwe nibashyireho itsinda ry’abarimu mu karere dutange ikizamini kimwe mu mashuri yose, ariko kutuzanira rwiyemezamirimo ngo abe ariwe udutegurira ikizamini cy’abana ntabwo tubyemera kuko batanga ibizamini birenze ubushobozi bw’abanyeshuri, kandi hakaba harimo n’amakosa”.

[caption id="attachment_31703" align="alignnone" width="669"]Abarimu bemerewe kwigisha abanyeshuri ariko ntibagishobora gutegura ibizamini Abarimu bemerewe kwigisha abanyeshuri ariko ntibagishobora gutegura ibizamini[/caption]

Umuyobozi w’urwunge rw’amashuri rwa Murunda Nkinamubanza Jean de Dieu na we yemeranya n’abarimu ko mu bizamini byatanzwe mu gihembwe cya kabiri harimo amakosa.

Ati “Mu bizamini by’isomo ry’amateka mu mwaka wa 1 n’uwa 2 ibizamini byarasaga, naho ikizamini cya fiziki mu mwaka wa 1 w’amashuri yisumbuye, abanyeshuri bashoboye gukora ikibazo kimwe muri 30 bari bahawe.”

Umuyobozi ushinzwe gahunda y’ibyo bizamini mu karere ka Rutsiro Tabaruka Jean Claude, yabwiye Imvaho Nshya ko ibyo bizamini bigamije gutegura abanyeshuri kuzajya bamenya gusubiza neza ibyo babazwa, ariko ntiyemeranya n’abavuga ko ibizamini bitegurwa nabi.

Iyo gahunda yo kubaza ikizamini kimwe mu karere kose mu mashuri abanza n’ayisumbuye ni umwihariko w’akarere ka Rutsiro.Mbere umwarimu yateguraga ikizamini gihwanye n’ibyo yigishije mu ishuri.

Izi mpinduka mu burezi zitavugwaho rumwe zatangiye mu ntangiriro z’uyu mwaka wa 2015.

 

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

USA: Nyirarukundo yanditse igitabo “Carrying Devine” kivuga kuri Jenoside
USA: Nyirarukundo yanditse igitabo “Carrying Devine” kivuga kuri Jenoside

Nyirarukundo Herniette, umwe mu Banyarwanda barotse Jenoside yakorewe Abatutsi mu Rwanda ubu uba muri Leta Zunze Ubumwe z’Amerika muri Leta ya Indiana, yanditse igitabo kivuga kuri Jenoside. Mu (...)

Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.