Advertisement
 
 
 
 
 
 
 
 

Amakuru

Rubavu: Undi musirikare wa Congo yarasiwe mu birindiro by’Ingabo z’u Rwanda   

  Yanditswe na IYAREMYE YVES
 June 2016

 
 

Mu gihe kitegeze ku byumweru bibiri undi musirikare ukekwaho kuba uwa Repubulika Iharanira Demokarasi ya Congo (RDC) yarasiwe ku birindiro by’Ingabo z’u Rwanda biri mu kagari ka Rutagara Umurenge wa Ruravu mu karere ka Rubavu ubwo yageragezaga kwinjiraga mu buryo bunyuranije n’amategeko yanahagarikwa akanga guhagarara.

Mu ijoro ryo ku wa gatanu rishyira uwa gatandatu mu masaha ya saa tatu z’ijoro ni bwo uyu musirikare yarasiwe mu birindiro by’ingabo z’u Rwanda. Ubuyobozi bw’itsinda ry’ingabo rishinzwe kugenzura uko amahoro yubahirizwa mu bihugu bituriye ibiyaga bigari (EJVM) bwo bwirinda kugira icyo butangaza kuri iki kibazo

Kapiteni Pascal Nzaramba uyobora ingabo zikorera muri aka gace ku mupaka uhuza u Rwanda na Congo mu mudugudu wa Tutagara yabwiye Imvaho Nshya ko uyu musirikare nta byangombwa yari afite.

Uyu abaye umusirikare wa kabiri urasiwe ku butaka bw'u Rwanda

Yakomeje avuga ko bakimurasa bari baketse ko ari uwa FDLR banashidikanya ko yaba ari uwa Congo, ariko nyuma ingabo za FARDC ngo zabegereye mu rukerera zibabwira ko uwarashwe ari umusirikare wa Congo zimuzi.

Ingabo zishinzwe kugenzura umutekano mu karere k’ibiyaga bigari na zo zagenzuye zemeza ko ari uwa Kongo.

Iyi ni inshuro ya kabiri umusirikari wa Kongo arasirwa ku birindiro by’Ingabo z’u Rwanda, kuko tariki ya 17 Kamena 2016 undi musirikari yarashwe muri ubu buryo, akaba yaraguye mu kilometero kimwe uvuye aho uyu na we yarasiwe.

Ingabo za EJVM zanze kugira icyo zitangaza gusa zigaragaza ko bimaze kuzirenga

Col onel Philbert Okanza Umuyobozi wungirije muri EJVM yagize ati “Ntacyo navuga ibi biracyari ibanga gusa biraturenze tugiye gukora raporo ni yo dusabwa.”

Ingabo z’u Rwanda zivuga ko kutagaragaza icyo raporo bakoze igaragaza byatumye umurambo w’ubushize utinda gushyingurwa, ndetse binarangira Kongo idatwaye umuntu wayo nkuko bitangazwa n’ingazo z’u Rwanda.

Mu masaha ya saa kumi n’ebyiri z’umugoroba kuri uyu wa gatandatu, n ibwo umurambo w’uyu musirikari wa kabiri washyikirijwe Ingabo za Kongo mu cyubahiro cya gisirikari hagati y’ibihugu byombi.

Umurambo w'uyu musirikare washyikirijwe Ingabo za Congo

 

Comments

 
 
Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.